തൃശ്ശൂര്‍:(www.payangadilive.in) പനമുക്ക് പുത്തന്‍വെട്ടുകായലിന് സമീപം ചാമക്കോളില്‍ വഞ്ചി മറിഞ്ഞ് മൂന്ന് യുവാക്കള്‍ അപകടത്തില്‍പ്പെട്ടു. ഒരാളെ കാണാതായി. രണ്ടുപേര്‍ നീന്തിരക്ഷപ്പെട്ടു. ഞായറാഴ്ച വൈകീട്ട് ആറോടെയാണ് അപകടം. പനമുക്ക് സൊസൈറ്റിക്ക് പിറകുവശം ചീക്കോടന്‍ വീട്ടില്‍ പരേതനായ ജോസിന്റെയും കവിതയുടെയും മകന്‍ ആഷികി(23)നെയാണ് കാണാതായത്. നെടുപുഴ സ്വദേശി നീരജ്കൃഷ്ണ, പാലയ്ക്കല്‍ സ്വദേശി ആഷിക് ബാബു എന്നിവരാണ് രക്ഷപ്പെട്ടത്. ഇരുട്ടും കനത്ത മഴയും കാറ്റും മൂലം ഞായറാഴ്ച രാത്രി 9.15-ഓടെ തിരച്ചില്‍ നിര്‍ത്തിവെച്ചിരുന്നു. തിങ്കളാഴ്ച രാവിലെ തിരച്ചിൽ പുനരാരംഭിച്ചു.