India
അറക്കപ്പൊടി, ആസിഡ്, ചീഞ്ഞളിഞ്ഞ ഇലകള്...; 15 ടണ് വ്യാജ മസാലപ്പൊടി പിടികൂടി
6 May 20241 മിനിറ്റ് വായന
ഡല്ഹിയിലെ കരവാല്നഗര് ഏരിയയിലെ ഫാക്ടറിയില് നിന്നാണ് വ്യാജ മസാലപ്പൊടി പിടികൂടിയത്. മസാലപ്പൊടി തയ്യാറാക്കാന് ഉപയോഗിച്ച ചേരുവകകളും ഇതില് ഉള്പ്പെടുന്നു. ചീഞ്ഞളിഞ്ഞ ഇലകളും അരിയും, കേടായ തിന, അറക്കപ്പൊടി, ആസിഡുകള്, വ്യാജ ഉല്പന്നങ്ങള് നിര്മ്മിക്കാന് ഉപയോഗിക്കുന്ന എണ്ണകള് എന്നിവ പിടിച്ചെടുത്തതില് ഉള്പ്പെടുന്നതായി പൊലീസ് പറയുന്നു. ഫാക്ടറിയില് വ്യാജ മസാലപ്പൊടി തയ്യാറാക്കി വിവിധ ബ്രാന്ഡുകളുടെ പേരില് വില്പ്പന നടത്തുന്നതായുള്ള രഹസ്യവിവരത്തിന്റെ അടിസ്ഥാനത്തിലാണ് പൊലീസ് റെയ്ഡ് നടത്തിയത്.
പരിശോധനയ്ക്കായി ഭക്ഷ്യസുരക്ഷാ വകുപ്പ് ഉദ്യോഗസ്ഥര് സാമ്പിള് ശേഖരിച്ചിട്ടുണ്ട്. റെയ്ഡിനിടെ രക്ഷപ്പെടാന് ശ്രമിക്കവേ, പിടിയിലായ പ്രതികളെ ചോദ്യം ചെയ്ത് വരുന്നതായും പൊലീസ് പറയുന്നു.
