ഐറിസ് സ്കാൻ, വിരലടയാളം പതിപ്പിക്കൽ എന്നിവ രണ്ടും സാധ്യമാകാത്തവർക്കും എൻറോൾ ചെയ്യാനുള്ള അവസരം ഒരുക്കിയിട്ടുണ്ട്. ഇതിനായി എൻറോൾ ചെയ്യുന്നവരുടെ പേരും ഫോട്ടോയുമടക്കം സോഫ്റ്റ്‌വെയറിൽ രേഖപ്പെടുത്തണം. ഇവ അസാധാരണ എൻറോൾമെന്റായി പരിഗണിച്ചാണ് ആധാർ അനുവദിക്കുക. ആധാർ എൻറോൾമെന്റ് ഓപ്പറേറ്റർമാർക്ക് ഇതുമായി ബന്ധപ്പെട്ട പരിശീലനം ഉടൻ തന്നെ നൽകുന്നതാണ്. വിരലടയാളം തെളിയാത്തതിന്റെ പേരിൽ ആധാർ നിഷേധിക്കപ്പെട്ട കോട്ടയം കുമരകത്തെ ജെസി മോളുടെ ദുരവസ്ഥ പുറത്തുവന്നതിന് പിന്നാലെയാണ് ആധാർ മാനദണ്ഡങ്ങൾ പുതുക്കി നിശ്ചയിച്ചത്.