നേരത്തെ മൻ കി ബാത്തിൽ പ്രധാനമന്ത്രി നരേന്ദ്ര മോദി ഈ പദ്ധതി പ്രഖ്യാപിച്ചിരുന്നു. ‘മേരാ യുവ ഭാരത്’ വെബ്സൈറ്റ് ആരംഭിക്കുകയാണെന്നും യുവാക്കൾ രജിസ്റ്റർ ചെയ്യണമെന്നും പ്രധാനമന്ത്രി മൻകി ബാത്തിലൂടെ ആവശ്യപ്പെട്ടു. 'മേരാ യുവ ഭാരത്' പ്ലാറ്റ്‌ഫോം ഒരു സ്വയംഭരണ സ്ഥാപനമാണ്. യുവാക്കൾക്കിടയിൽ നേതൃത്വ നൈപുണ്യം വളർത്തിയെടുക്കാൻ ലക്ഷ്യമിട്ടുള്ള ഒരു പ്ലാറ്റ്ഫോം സർക്കാർ രൂപീകരിക്കുന്നതിന് കേന്ദ്രമന്ത്രിസഭ നേരത്തെ തീരുമാനിച്ചിരുന്നു.

യുവജന വികസനം കണക്കിലെടുത്ത് എൻഡ്-ടു-എൻഡ് സർക്കാർ പ്ലാറ്റ്ഫോം സൃഷ്ടിക്കുകയാണ് സർക്കാർ ചെയ്യുന്നത്. ഇതിലൂടെ യുവാക്കളെ പുതിയ അവസരങ്ങളുമായി ബന്ധിപ്പിക്കും. 15 മുതൽ 29 വയസ് വരെയുള്ളവർക്ക് പ്ലാറ്റ്‌ഫോം പ്രയോജനപ്പെടുത്താൻ കഴിയും. www(dot)mybharat(dot)gov(dot)in എന്ന വെബ്‌സൈറ്റിലൂടെ രജിസ്റ്റർ ചെയ്ത് വിവിധ സേവനങ്ങൾ ഉപയോഗിക്കാം.