പൗരത്വ നിയമഭേദഗതിക്കെതിരായ എല്ലാ ഹര്ജികളും സുപ്രീംകോടതിയിലേക്ക് മാറ്റണമെന്ന് കേന്ദ്രസര്ക്കാര്..
ന്യൂഡല്ഹി: പൗരത്വ നിയമഭേദഗതിക്കെതിരേ ഹൈക്കോടതികളില് സമര്പ്പിച്ചിരിക്കുന്ന ഹര്ജികള് സുപ്രീംകോടതിയിലേക്ക് മാറ്റണമെന്ന് കേന്ദ്രസര്ക്കാര്. കേന്ദ്രസര്ക്കാരിന്റെ ഹര്ജി സുപ്രീംകോടതി വെള്ളിയാഴ്ച പരിഗണിക്കും. പൗരത്വ നിയമഭേദഗതിക്കെതിരായ കേസില് ഹൈക്കോടതികള് വ്യത്യസ്ത നിലപാട് സ്വീകരിക്കാന് സാധ്യതയുണ്ടെന്ന് ചൂണ്ടിക്കാട്ടിയാണ് കേന്ദ്രസര്ക്കാര് സുപ്രീംകോടതിയെ സമീപിച്ചിരിക്കുന്നത്.
പൗരത്വ നിയമഭേദഗതിക്കെതിരെ നല്കിയ ഹര്ജി കര്ണ്ണാടക ഹൈക്കോടതി നേരത്തെ സ്വീകരിച്ചിരുന്നു. സുപ്രീംകോടതിയുടെ മാത്രം പരിഗണനയിലുള്ള അറുപത് ഹര്ജികള് 22 ന് പരിഗണിക്കാനിരിക്കേ കോടതി കേന്ദ്രത്തിന് നോട്ടീസയച്ചിരിക്കുകയാണ്.
പൗരത്വ നിയമഭേദഗതി നടപ്പാക്കരുതെന്ന് ആവശ്യപ്പെട്ട് ഒരു സംസ്ഥാനവും കത്തയച്ചിട്ടില്ലെന്ന് കേന്ദ്രസര്ക്കാര് വ്യക്തമാക്കി. നിയമം നടപ്പാക്കണമെന്നാവശ്യപ്പെട്ടുള്ള അസം സര്ക്കാരിന്റെ കത്ത് മാത്രമേ തങ്ങളുടെ കൈവശമുള്ളെന്നും കേന്ദ്രസര്ക്കാര് വ്യക്തമാക്കി.
