പഴയങ്ങാടി ബസ് സ്റ്റാൻഡിനു സമീപം കെഎസ്ടിപി റോഡിന് സൈഡിലെ കോൺക്രിറ്റ് കുറ്റികൾ കാൽനടയാത്രക്കാർക്കു  ഭീഷണിയാകുന്നു... പൊലീസ് അറിയിപ്പ് എന്ന നിലയിൽ സ്വകാര്യ സ്ഥാപനങ്ങളുടെ പരസ്യ പ്രചാരണാർഥം റോഡിൽ സ്ഥാപിച്ച നോപാർക്കിങ് ബോർഡുകളുടെ കുറ്റികളാണു കാൽനടയാത്രക്കാർക്ക് അപകട ഭീഷണി വരുത്തിവെക്കുന്നത്...

ഈ കുറ്റികളിൽ തട്ടി വീണ് ആളുകൾക്കു പരുക്കേൽക്കുന്നതു പതിവാണ്... ഇന്നലെ വൈകിട്ടും ഈ കുറ്റിയിൽ തട്ടി റോഡിൽ വീണു കാൽനടയാത്രക്കാരനു പരുക്കേറ്റിരുന്നു. ഇയാൾ സ്വകാര്യ ക്ലിനിക്കിൽ ചികിത്സ തേടി. റോഡരികിൽ ഇത്തരത്തിൽ 8 കോൺക്രിറ്റ് കുറ്റികൾ ഇപ്പോഴും അവശേഷിക്കുന്നുണ്ട്... പഴയങ്ങാടി പൊലീസും വ്യാപാരി പ്രതിനിധികളുമാണ് ഒരുവർഷം മുൻപ് ഇത്തരത്തിൽ ബോർഡ് സ്ഥാപിച്ചത്...